Jamaat-e-Islami Pakistan |

اہم خبریں

شام میں خلیفہ اسلام حضرت عمر بن عبدالعزیز ؒ اور ان کی اہلیہ محترمہ کے مزاروں کی بے حرمتی پرپوری امت مسلمہ کے دل زخمی ہیں،سینیٹر سراج الحق


لاہور02جون2020ئ
امیر جماعت اسلامی پاکستان سینیٹر سراج الحق نے وزیر مذہبی امور نور الحق قادری کو فون کر کے شام میں خلیفہ اسلام حضرت عمر بن عبدالعزیز ؒ اور ان کی اہلیہ محترمہ کے مزاروں کی بے حرمتی پر دکھ اور افسوس کا اظہار کرتے ہوئے حکومت پاکستان کی طرف سے اس پر دو ٹوک اور واضح موقف اپنانے ، مجرموں کی گرفتاری اور او آئی سی کا اجلاس بلا کر آئندہ ایسے واقعات کے سدباب کے لیے مشترکہ لائحہ عمل اختیار کرنے کی ضرور ت پر زور دیا ۔ سینیٹر سراج الحق نے کہاکہ کوئی مسلمان ان برگزیدہ ہستیوں کی توہین کا سوچ بھی نہیں سکتا ۔ اس سانحہ پر پوری امت مسلمہ کے دل زخمی ہیں ۔ انہوںنے کہاکہ اس سے قبل بھی شام میں حضرت عمار بن یاسر ؓ اور دیگر اکابرین کے مزاروں کی بے حرمتی کی گئی ۔ انہوںنے کہاکہ یہ اسلام دشمن قوتوں کی سوچی سمجھی سازش ہے تاکہ عالم اسلام میں نفرت کی آگ بھڑکا کر اپنے مذموم مقاصد حاصل کر سکیں ۔ انہوں نے کہاکہ عالم اسلام کے حکمرانوں کو اس موقع پر فہم و تدبر اور اتحاد و یکجہتی کا مظاہرہ کرتے ہوئے اس سانحہ پر مشترکہ لائحہ عمل بنانا اور امت کو انتشار و افتراق سے بچانا ہوگا ۔
 

Youtube Downloader id

 
 
 
 
     ^واپس اوپر جائیں




سوشل میڈیا لنکس