نائب امیر جماعت اسلامی پاکستان لیاقت بلوچ نے کہا ہے کہ حکومت اور فوج کا آئین سے بالادست ہونا پاکستان کی سلامتی کے لیے نقصان دہ ہو گی،
5دن پہلے
نائب امیر جماعت اسلامی پاکستان لیاقت بلوچ نے کہا ہے کہ حکومت اور فوج کا آئین سے بالادست ہونا پاکستان کی سلامتی کے لیے نقصان دہ ہو گی، قائداعظم محمد علی جناح اور لیاقت علی خان کی وفات کے بعد سیاسی، فوجی و حکمران ملک کو بانی پاکستان کی فکر اور نصب العین سے دور لے گئے ہیں۔ حکمران 2026ئ کو قائداعظم محمد علی جناحؒ کا سال قرار دے رہے ہیں، لیکن ان کو واضح کرنا چاہیے کہ وہ 2026ئ میں قائداعظم محمد علی جناح کے فرمودات پر عمل کریں گے اور ماضی میں ان سے جو غلطیاں ہوئی ہیں، اس پر قوم سے معذرت کریں گے۔ قائداعظم نے ہر مرحلے پر واضح دوٹوک بات کی کہ پاکستان کا دستور قرآن ہے۔ ان خیالات کا اظہار انھوں نے جامعہ حقانیہ المرکز اسلامی سنگوٹہ سوات میں تقریب ختم بخاری کے شرکا سے خطاب کرتے ہوئے کیا۔
لیاقت بلوچ نے کہا کہ قائداعظم نے برملا کہا کہ کشمیر پاکستان کی شہ رگ ہے، حکمران واضح کریں کہ اس شہ رگ کو آزاد کرانے کے لیے ان کا کیا لائحہ عمل ہے۔ بانی پاکستان نے اسرائیل کو عالم اسلام کے سینے پر ناسور قرار دیا، لیکن حکمران دبے الفاظ میں قائداعظم کی حکمت عملی سے بھی انحراف کررہے ہیں۔ حکمران واضح کریں کہ 2026ئ میں پاکستان کی حکومت فلسطین کے حوالے سے ان کی حکمت عملی اور اقدامات کیا ہوں گے۔
لیاقت بلوچ نے کہا کہ وزیراعظم قوم کو آگاہ کریں کہ وہ ملک کے سیاسی مسائل کو سیاسی طور پر حل کرنے کے لیے کردار ادا کر سکتے ہیں وگرنہ ان کی یہ بات محض سیاسی سٹنٹ ہی رہے گی۔ انھوں نے کہا کہ قرآن و سنت کا نظام کا نفاذ ہی پاکستان کی حقیقی منزل ہے۔ آئین، انسانیت کا احترام انسانی حقوق کا تحفظ، معاشی وسائل کی منصفانہ تقسیم، عدل و انصاف کے نظام کی آزادی ناگزیرہے۔ خیبرپختونخوا میں پی ٹی آئی حکومت انقلابی نظام اور نہ ہی عوام کو فلاحی نظام دے سکی ہے۔
حج میں جانور ذبح کرنے کا مسئلہ
( سید ابو الاعلیٰ مودودیؒ )
ذکرِ الٰہی اور اس کے طریقے
( سید ابو الاعلیٰ مودودیؒ )
ملازمین کے حقوق
( سید ابو الاعلیٰ مودودیؒ )
حضرت علیؓ کی امیدواری خلافت؟
( سید ابو الاعلیٰ مودودیؒ )